Artisan Lounge by LUBUDS

营业中

休息中

叫咗个焗猪扒饭，不过应该唔系猪扒嚟，系梅头，超多肥肉，而且有好大浸膻味，饭好硬，可以话大X乐都好食过佢。楼面有三个后生女员工，距离我哋枱都系几步距离，曾经招手几次想落单，都冇人留意到我哋，因为佢哋长期都系度倾计，就算有一下望到我哋，都扮睇唔到。埋单𠮶阵，女侍应一行埋嚟第一句就：俾咩呀。(我谂佢意思系俾咩卡埋单)之后问我哋要唔要返张单，我哋话要。个女侍应揭开夹住张电脑单𠮶块板，眼神示意我哋自己拎返张单。第一次见，唔系侍应拎住张电脑单同埋签卡单，一齐俾返个客人。Lubuds group 旗下嘅餐厅至少都系中档路线，我都食过好多间，呢间我肯定系我食过员工最唔专业嘅一间，哈哈，应该屋邨酒楼的部长姐姐都专业过佢哋一百倍。呢间我肯定系我食过员工最唔专业的一间。