生記粥麵 (已結業)

去广华覆诊，听到护士们讨论中午要去生记粥面午膳，反正我下午又要回医院检查，近近地拣左生记食粥。平日嘅十二点几，当时客人唔算多，入座率大约6-7成。多年冇帮衬过生记了，念住望清楚个餐牌先，一坐底店员已经企喺旁边，不停问我哋食乜，我哋话睇多阵转头先，佢真系转个头唔够20秒就再企喺旁边有点不耐烦的问我哋点得未。问店员袖珍类同正常的单并类有乜分别？佢话䄂珍类细碗d㖞🤔睇唔切个餐牌，唯有靠记忆点呢度最出名的鱼腩粥、单并猪肉丸粥，再点碟油炸鬼啦。招牌鲩鱼腩粥有大约6件鱼腩，鲜甜👍🏻，配姜葱豉油食一流，保持到当年水准。我反而对猪肉丸粥不抱太大期望，但将匙羹搅动碗粥时，发觉搅唔旭，因为肉丸数量太多，数一数有成13粒肉丸(相片只影到浮面果层肉丸)，肉丸结实弹牙，有惊喜👍🏻而个油炸鬼呢，绝对绝对不建议大家点，唔脆，用筷子夹已经觉得林，油炸鬼的味道但牛脷酥嘅口感，一个字，实！下次都系食返佢最拿手的食物～粥！食食下留意到身旁有个客人叫左袖珍类肉丸粥，发觉碗粥嘅大细同单并类一样，只系肉丸少d，6粒左右。原来袖珍唔系碗粥细碗d，而系少𩠌d啫。