味滿

营业中

休息中

唔好以为街小店食物就会普通，喺天后呢间粥面店，我真系会特登嚟食，虽然都系街坊小店，不过质素每次来都保持到，而且我钟意小店老板娘招呼好热情，周围同食客倾偈，感觉特别温暖。有全日套餐亦可以单点，每次嚟一定会食猪膶米，因为猪润真系唔系每一间食店都做得好味，但呢度首先佢会切得比较厚身，而且大大件，有猪膶嘅鲜甜味，而且有口感，好味。牛筋面亦都系每次都会点嘅食物，因为牛筋腩做得好出色，好淋身好香，而且牛筋每一啖都食到骨胶原，好钟意食入口有少少痴牙嘅感觉，油菜仲可以拣芥兰， 好大条够新鲜。今次试咗红油三宝，第一次试虽然觉得红油唔算好辣，但可以一次过食晒两款唔同嘅饺子同埋鱼片头，仲要每粒饺子真系食到原粒鲜虾喺入边，三十零蚊觉得都几抵食。