元祖和風食堂虎藏

营业中

休息中

今日嚟到长沙湾呢边唱k，所以打算先食个lunch，再去唱k， 呢间店喺外面望入去真系好吸引， 好多嘢食咁，而且价钱唔算十分贵。真系好多人排紧队 ，我哋等咗好耐先入得去。喺排队嘅期间可以先望住出面嘅餐牌， 可以慢慢拣住嘢食先， 然之后再入去即刻点 我叫咗一个餐个餐，包一碗拉面，一个甜品，再一杯嘢饮。 拉面呢有三个汤底可以拣， 我拣咗猪骨汤拉面， 呢个拉面呢份量呢就比较少啦 ，只有细细嘅面底，同埋一片肉，一片紫菜， 仲有少少荀同埋葱， 虽然分量好少，但系味道呢就真系唔错嘅，佢个猪骨汤底好好味， 我试过几啖， 齿颊留香， 配埋啲面食令到啲面都好好味 ，块肉呢都好嫩滑， 都唔错嘅！然之后呢佢跟餐配埋个甜品，就系抹茶意大利芝士蛋糕 ，望个样呢就觉得非常之唔错啦， 大大件， 而且又深绿浅绿相间 ，颜色好吸引 ！要先试试先知道， 食一啖 ，觉得味道好淡 ，所以唔钟意食太甜嘅朋友好啱食， 另外 佢嘅蛋糕唔算好柔软， 慕斯层亦都唔太食得出有芝士味， 整体味道比较淡，唔系难食，但唔算一件优秀cheese cake一杯呢就系冻柠茶， 少甜， 冇咩特别， 都系一杯一般嘅饮品。