夢樂園 (已結業)

间餐厅个名几得意，「梦乐园」。去到先知，原来呢到系可以令一班猫奴置身于忘忧既梦幻乐园！呢到有两位猫店长，好得意又完全唔惊人，好容易同客人打成一片，再加上餐厅环境比我既感觉似系去左间幼稚园咁，好适合一家大细过黎消遣一下，共享呢到比到你既休闲气氛。食物方面，系主打啲台湾菜既轻食版本。今次我地黎食左个Lunch, 黑毛猪鲁肉乌冬（本身系跟饭，但𠮶阵咁岩冇饭供应，就转左乌冬）同埋黑白云耳仔。个黑毛猪鲁肉个汁味道刚好，猪肉唔会拣哂全肥，见到都系肥瘦适中既，既可以食到肉既质地，又可试埋肥肉比到既鲁肉𠮶种感觉，几好，值得一试！