影片
更多
2018-10-23
279 浏览
今日朋友约咗我食饭，话比个惊喜我，唔讲我知间餐厅叫咩名，只叫我去旺角等，跟住佢带咗我上去一间楼上cafe，去到餐厅门口，先要套上鞋套，我已经觉得有啲奇怪，推开门入去，果然内有干坤。😲😲一打开门，已经有数十只猫猫喺度迎宾🐈🐱🐺，原来呢度系一间有猫咪嘅cafe，起初都有啲吓傻咗，真系太多啦，不过佢哋真系太可爱啦😻😻，慢慢已经惯咗，佢哋完全唔怕人，而且非常痴人，有时你食食吓饭，佢会跳上嚟嗲你抱住佢，不停卖萌😽，真系cute爆！😸而入座时，店员会比张店舖须知嘅牌你，确保比客人知要点样同猫猫相处。如果想喂猫猫食嘢，要喺店舖买猫小食，每盒18蚊。见到隔离台有客人买咗，一打开罐头，数十只猫已经会即时围住你，非常为食😹！店员仲会比张申请表客人填写简单资料，申请做会员，会员卡可以储印仔，储够5个印仔有得换免费心太软，10个印仔就换到小食拼盘一客。呢度仲有免费wifi，比你一边食住嘢、一边同朋友倾计、一边同猫咪玩、一边上网，好relax！😌😌而呢度最低消费每位$100🤑，如果两个人👭食可以拣个2人餐都好方便，又有汤，沙律🥗，主菜同饮品🍹。如果唔够嘅话仲可以加$28要个小食拼盘同埋加$18有法式焦糖炖蛋。🍮
今日朋友约咗我食饭，话比个惊喜我，唔讲我知间餐厅叫咩名，只叫我去旺角等，跟住佢带咗我上去一间楼上cafe，去到餐厅门口，先要套上鞋套，我已经觉得有啲奇怪，推开门入去，果然内有干坤。😲😲
一打开门，已经有数十只猫猫喺度迎宾🐈🐱🐺，原来呢度系一间有猫咪嘅cafe，起初都有啲吓傻咗，真系太多啦，不过佢哋真系太可爱啦😻😻，慢慢已经惯咗，佢哋完全唔怕人，而且非常痴人，有时你食食吓饭，佢会跳上嚟嗲你抱住佢，不停卖萌😽，真系cute爆！😸
而入座时，店员会比张店舖须知嘅牌你，确保比客人知要点样同猫猫相处。如果想喂猫猫食嘢，要喺店舖买猫小食，每盒18蚊。见到隔离台有客人买咗，一打开罐头，数十只猫已经会即时围住你，非常为食😹！店员仲会比张申请表客人填写简单资料，申请做会员，会员卡可以储印仔，储够5个印仔有得换免费心太软，10个印仔就换到小食拼盘一客。呢度仲有免费wifi，比你一边食住嘢、一边同朋友倾计、一边同猫咪玩、一边上网，好relax！😌😌
而呢度最低消费每位$100🤑，如果两个人👭食可以拣个2人餐都好方便，又有汤，沙律🥗，主菜同饮品🍹。如果唔够嘅话仲可以加$28要个小食拼盘同埋加$18有法式焦糖炖蛋。🍮
餐汤方面系磨菇忌廉汤，忌廉味好浓，非常creamy，好好味，加上汤上面有少少香草，更可以带出其香味。
沙律方面🥗，蔬菜新鲜爽口，有少少粟米🌽，加埋少少麻酱调味就更加好味。
主菜就拣咗黑松露野菌大啡菇配忌廉意大利饭，意大利饭好creamy，黑松露味突出，完全渗透晒落每一位饭度，野菌同埋大啡菇嘅份量都好足够。
另一个主菜就拣咗西班牙黑毛猪肋骨配薯菜，猪肋骨都好入味，加埋茄汁嚟食，更加惹味，薯角亦炸得金黄脆口。😋
食完饭，仲有2杯$38以下嘅饮品饮品🍹，其他就补差价，叫咗一杯热柠水🍵，同埋另一杯就加$4要咗杯洛神红莓荔枝梳打，淡淡嘅荔枝味好香🍸，唔会太甜。
同猫猫玩完成身都系毛毛，不过店主好细心预备咗啲碌比客人碌干净衫上嘅毛发。临走时，猫咪都仲瞓咗喺门口位，好似好唔舍得我哋咁~ 下次再去探猫猫啦 ！🐺🐱😘
张贴
