Savoye Bistro (SB) (已結業)

踏入猴年，紧系要同同事去食餐好喇。今日黎到天后既Savoye Bistro (SB)。一睇Menu已经俾佢个Burger Set吸引住，等我试下佢先！餐汤 + 沙律 + 法式蒜蓉包‧ 餐汤够"杰"身，饮完已经饱左一半。‧ 沙律份量唔算太多，2、3啖已经食完。不过个沙律唔知有D咩菜，苦苦地，再加埋我本身唔好黑醋，对我黎讲唔系好岩口味 ><‧ 法式蒜蓉包 + 原粒蒜蓉，由于我系唔食原粒蒜蓉，所以俾左同事食，虽然佢话系好好味，哈哈，不过我都系唔敢试。但系个法式蒜蓉包就好好味，够脆，同埋佢搽左好多蒜蓉汁去焗，所以个包好香口。阳光牛肉汉堡配薯条牛肉汉堡入面包左好多料，芝士、牛肉汉堡、番茄、生菜、原块菠萝，再加埋个千岛酱，真系不得了。我都几钟意个汉堡有咁多蔬菜，好似感觉无咁腻。不过美中不足既系，块牛肉唔够肉质，好"鞋"好散，又干身。 如果唔系因为有蔬菜同埋原块菠萝去中和返，我谂我未必食得入口。餐后点左杯餐茶 - 冻橙茶，少少甜再带少少苦涩，为呢一餐开年饭划上完美句号。