影片
更多
2023-04-30
358 浏览
💁♀️💁♂️ 27/4/2023(Thu), Dinner🍽除咗铜锣湾一带多食厦之外，邻近既天后都有一座食厦，水牌上面唔同既层数都有各式既食肆。今晚💁♀️为食妙妙同💁A先生就去到7楼既叁不馆食火锅🍲。上到7楼打开䢂门就见到餐厅装饰怀旧，用上唔少本土特色既物品例如霓虹光管、竹篮、折枱、木櫈等，加上播住八、九十年代既流行曲，就好似置身当年既大笪地食火锅🍲咁。餐厅就连点菜单都设计成一份报纸📰咁，玩味十足。点完食物之后，侍应就会送上酱料，一大盘有十款酱料加埋火锅豉油俾你自己调较岩自己既口味。侍应特别推介有以下三款：- 自家制葱头油：第二度见唔到有，好香既葱头味道，再𢳂多少少已经焦糖化既葱头，任何食物点一点都提香百倍；- 自家炒麻辣红油：够香够麻够辣，但又唔会太重口味盖过食物既鲜味；- 自家制沙茶酱：比一般既无咁咸，但好香沙茶味，提味之余又唔会抢咗食物既鲜味相信餐厅自家制既酱料系刻意调到唔会太抢味，等食客可以调味加上层次之余又食到食材既新鲜原味。而今晚我地order咗：🔆 今晚卜卜蚬锅（$198）呢个卜卜蚬锅用上鸡汤，内里有大量既蚬、芽菜、芹菜等。上枱时侍应建议先滚起汤底，等一等蚬卜卜声开晒口之
💁♀️💁♂️ 27/4/2023(Thu), Dinner🍽
除咗铜锣湾一带多食厦之外，邻近既天后都有一座食厦，水牌上面唔同既层数都有各式既食肆。今晚💁♀️为食妙妙同💁A先生就去到7楼既叁不馆食火锅🍲。
上到7楼打开䢂门就见到餐厅装饰怀旧，用上唔少本土特色既物品例如霓虹光管、竹篮、折枱、木櫈等，加上播住八、九十年代既流行曲，就好似置身当年既大笪地食火锅🍲咁。餐厅就连点菜单都设计成一份报纸📰咁，玩味十足。
点完食物之后，侍应就会送上酱料，一大盘有十款酱料加埋火锅豉油俾你自己调较岩自己既口味。侍应特别推介有以下三款：
- 自家制葱头油：第二度见唔到有，好香既葱头味道，再𢳂多少少已经焦糖化既葱头，任何食物点一点都提香百倍；
- 自家炒麻辣红油：够香够麻够辣，但又唔会太重口味盖过食物既鲜味；
- 自家制沙茶酱：比一般既无咁咸，但好香沙茶味，提味之余又唔会抢咗食物既鲜味
相信餐厅自家制既酱料系刻意调到唔会太抢味，等食客可以调味加上层次之余又食到食材既新鲜原味。
而今晚我地order咗：
🔆 今晚卜卜蚬锅（$198）
呢个卜卜蚬锅用上鸡汤，内里有大量既蚬、芽菜、芹菜等。上枱时侍应建议先滚起汤底，等一等蚬卜卜声开晒口之后，先食蚬肉同埋饮汤，感受汤底既鲜甜先，之后先开始打边炉🍲。
蚬肉大粒饱满，食落蚬味鲜甜嫩滑。芽菜爽口无草青味，吸收咗汤底既味道都好吸引。汤底鲜甜，加上蚬肉既海水🌊味，同埋芹菜既香气，唔觉唔觉都饮咗唔少。
🔆 牛魔王拼盘（$468）
有极级本地手切肥牛、顶级安格斯牛颈脊、手切封门柳、鲜牛肉粒、牛胸尖同埋牛脷托各6件，整齐咁摆盘喺一个大盘上面，侍应会细心介绍返盘上面各款牛肉既特色，同埋各自既建议煮法。
- 本地切肥牛：肉味较浓一点，食落比较有咬口，喜爱浓肉味既A先生首选；
- 顶级安格斯牛颈脊：油花分布平均，油香味重一点，入口嫩滑，食落肉味稍为不及手切肥牛；
- 手切封门柳：肉色比较深红色，肉味带一点内脏既味道；
- 牛胸尖：轻灼大约十秒就可以食，薄薄既一片咬落脂香丰富带轻微爽口；
- 鲜牛肉粒：牛肉粒可以提早放落锅，灼几分钟等到全熟，食落有咬口而有肉味；
- 牛脷托：食落比一般牛脷爽口有𡁻头。
🔆 虾胶油炸鬼（$78）
一碟有8件，4件系沾上蟹子而另外4件系沾上海苔。食法系将虾胶既一面向下放入汤底，煮3分钟就可以食。煮过之后虾胶弹牙，油炸鬼依然脆口，食落口感丰富，油炸鬼又索咗汤底既味道，食落鲜味。
🔆 紫菜炸响铃（$68）
响铃中间夹住紫菜，轻浸几秒吸咗汤底既鲜味之后，除咗响铃既豆味，仲多一重紫菜既味道，都好好食。
🔆 棉花鱼肚（$88）
A先生细个时去酒楼食鸡札、棉花鸡最钟意食果件鱼肚，吸收咗鸡味同调味之后好食到不得了。今晚见到餐牌有棉花鱼肚，A先生第一时间要剔✅咗先。放入汤煮一轮等鱼肚变软身同吸收咗汤底既味道之后，入口轻软如棉，索咗鲜甜既汤汁好吸引。
🔆 杂菌拼盘（$88）
有冬菇、金菇、秀珍菇、鸡髀菇、白菇、木耳、鲜淮山、豆卜等，份量够晒大堆头。之前未试过用鲜淮山嚟打边炉🍲，煮完之后既淮山粉糯又吸收咗汤底既味道，有惊喜；其他菇类都新鲜，入口爽滑好食。
🔆 Asahi（$38）
🔆 支装忌廉（$16）
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：❤❤❤❤❤(5/5)
❤🙆♀️(为食妙妙)整体食评：❤❤❤❤❤(5/5)
👉🏻 餐厅既怀旧布置够特色，侍应服务够晒贴心，不时为我地添加汤底，又会细心咁介绍返每款食物既特点同建议煮法，等我地唔会煮过笼浪费咗美食
👉🏻打边炉🍲最紧要系乜？除咗食材，梗系个炉啦，呢度个电磁炉火力强劲，即使岩岩上枱或者加完汤都好快滚返起，唔使慢慢等，打得爽快👍🏻
A先生车友指数 🚗
🛣️ 交通容易指数：🚗🚗🚗🚗(4/5)
🅿️ 泊车容易指数：🚗🚗🚗🚗🚗(5/5)
👉🏻 天后地铁站上盖有停车场🅿️，不远处既维园泳池有大量表位🅿️，只要唔系维园有展览/活动，不难揾到泊位。
👉🏻 天后地铁站过嚟都唔使5分钟路程，地铁、巴士、电车、甚至小巴都有唔少选择
🔆🔆🔆🔆🔆🔆🔆🔆🔆🔆🔆🔆🔆
张贴
