丼造

营业中

休息中

喺上环放工经过一间小店，见到佢哋嘅丼饭好似几靓，决定奖励下自己。虽然系外卖，但系摆盘靓靓好吸引，而且呢间舖主打即叫即制，食嘅时候鱼生仲系好新鲜，串烧仲系热辣辣。 ✦ 七色鱼生丼颜色好鲜艳令胃口大好。材料有三文鱼、吞拿鱼、油甘鱼、帆立贝、牡丹虾、海胆、左口鱼，仲有玉子蛋。 特别想提及海胆系完全唔腥唔臭，非常鲜甜味道浓郁，几件海胆足以证明鱼生有几新鲜。 ✦ 特选寿司拼盘寿司拼盘亦有三文鱼、吞拿鱼，同埋帆立贝等等，同样新鲜，而且份量唔细，唔系呃秤薄切type。 ✦ 串烧盛C 材料有鸡翼、鸡软骨、免治鸡、牛柳粒，同埋玉子，调味调得啱啱好。特别推介鸡翼同埋鸡软骨，鸡翼外脆内软香喷喷，鸡软骨卜卜脆，好食。 呢间餐厅细细间完全唔起眼，但系食物无论味道同份量都相当好，啱晒喺附近返工嘅人奖励自己。