Kuro Shabu (已結業)

和牛 Shabu Shabu 继东京之后系香港再食，但质素不比日本差哦。星期五happy Friday 特地揾和牛黎奖励自己，系6个餐入面选左 A4 黑毛和牛特选套餐，点解系呢款呢，因为 omakase 有好多肉，而且仲有 A5 和牛，我一个人真系好难食得晒，A4 质素已经好好岩晒女仔食。首先会俾个昆布汤底，一人锅，自在地食火锅，今日既特选牛肉系牛小排同牛柳，基本上3至5秒食得，牛小排大块啲而且雪花分明比较肥美甘香，入口即溶。牛柳可以三秒即起，嫩滑无比。个人中意点柚子醋，解油腻. 蔬菜盘好新鲜，唔使点酱都好清甜。尤其中意皇帝菜，味道独特。豆腐亦食到满口豆香，中意清淡既朋友真要试下。除左日本米饭，其实可以转自家制乌冬，弹牙而且软硬适中，系其他地方食唔到呢种口感，建议转叫。最后用左支乌龙茶同抹茶雪糕作结，唔太甜，完美。