潮食 (順欣花園) (已結業)

话说转左新工，见星期五可以准时收工咁开心，无等到亲爱的男友放假就自己黎左潮食。是日目标明确！系朱古力味！去到门口拣拣下，发现有朱古力味朱古力，同夹心朱古力，我就问店员有咩分别啦！但佢就话要去睇图，但两幅都系黑色，有啲难睇！最后就拣左会流出黎既夹心朱古力味！收到既时候有啲失望，佢似系鸡蛋仔版既夹饼！鸡蛋仔同上次一样，面头都系好滑，好脆，但佢既做法就系用朱古力浆做好左一面既鸡蛋仔就拎起，加上大量既朱古力酱，对折夹好就入袋！但我觉得咁做就无左鸡蛋仔一粒粒既意思！因为上次就系闻到人地既朱古力味，先想再试，但呢一个食既时候因为朱古力酱好足料，所以试唔到个朱古力底浆有无朱古力味！我谂上次人地𠮶个可能系朱古力味朱古力！同埋因为酱好多，而鸡蛋仔袋又系穿既，建议如果食既时候食完先行会好啲/小朋友食既时候真系要小心啲！我食完最后一啖之后唔止成口，连成手都系朱古力酱😂😂😂如果你好钟意食朱古力酱，我谂你会钟意呢个！但下次再同男友黎就会试猪柳蛋同朱古力味朱古力！其实原味都想试😂😂😂