碗碗香 (已結業)

好朋友喺铜锣湾利园大厦Office返工，话喺佢公司对面加路连山道最近开咗一间碗碗香系食贵州牛肉米粉，正宗香辣凉拌重有多款小食，味道一流、价钱公道，食材独一无二，约我出嚟试吓。虽然铺位唔算大但系装饰挂画好别致。我叫咗个红油牛肉粉要BB辣，一上枱巳闻到香喷喷三骨原汤香味，大厨用咗上等猪骨、牛骨同鲜鸡熬制20个钟强调绝对无落味精，汤分开两边，一边有辣椒另一边系清汤，可以一次过试晒两种汤底，饮咗几啖清汤先然后再捞匀变咗红油汤底，够晒除湿驱寒。牛展经过精心拣选系冇肥脂，入口好淋滑。贵州啲米粉睇落好似上海幼面咁，原来系选用农场大米制成唔容易断，入口爽滑同弹牙有囗感。衬托埋杯冰凉苦丁茶，真系最佳配搭，感觉凉透心。