影片
更多
2019-03-19
414 浏览
呢日有个讲座要去旺角听，听完可以食埋个late lunch先去开工但今次呢个talk无其他同事出席，得我自己一丁友，所以听完就行左落隔离街睇下毒毒一人食乜好身为一个踏入中女阶段既小妹黎讲，“小鲜肉”的确系有佢地既吸引力既xppp好啦~其实我系想食下粉面，只不过见佢个店名几得意先喺度乱咁噏呢度都几光鲜企理，除左有我呢日想食既粉面类之外，亦有提供饭类同小食，连一人锅都可以食到，睇黎呢位“小鲜肉”的确几适合独食呢日我就要左个全日供应既粉面套餐：拣左呢度自家制既手打猪肉饼同鲜虾云吞跟米线HKd$38（双拼+5蚊）米线份量都几多下，细食既女仔可能会食唔晒添d米线都无煮得过淋，食落都系爽爽滑滑derrr云吞有三粒虽然唔算好大粒，但入面都包有食落爽口既原只虾粒而猪肉饼有两块，味道都唔错，系猪肉丸变成厚片既感觉最估唔到个面会有埋一只荷包蛋，感觉好似多左个𩠌食咁，半熟荷包蛋正合我心意呢个见个喉咙cort cort地，所以就加左7蚊要左杯咸柠7顺一顺添不过独尝“小鲜肉”之后又系时候够钟开工啦~~~~~
身为一个踏入中女阶段既小妹黎讲，“小鲜肉”的确系有佢地既吸引力既xppp
好啦~其实我系想食下粉面，只不过见佢个店名几得意先喺度乱咁噏
呢度都几光鲜企理，除左有我呢日想食既粉面类之外，亦有提供饭类同小食，连一人锅都可以食到，睇黎呢位“小鲜肉”的确几适合独食
呢日我就要左个全日供应既粉面套餐：拣左呢度自家制既手打猪肉饼同鲜虾云吞跟米线HKd$38（双拼+5蚊）
米线份量都几多下，细食既女仔可能会食唔晒添
d米线都无煮得过淋，食落都系爽爽滑滑derrr
云吞有三粒
虽然唔算好大粒，但入面都包有食落爽口既原只虾粒
而猪肉饼有两块，味道都唔错，系猪肉丸变成厚片既感觉
最估唔到个面会有埋一只荷包蛋，感觉好似多左个𩠌食咁，半熟荷包蛋正合我心意
呢个见个喉咙cort cort地，所以就加左7蚊要左杯咸柠7顺一顺添
不过独尝“小鲜肉”之后又系时候够钟开工啦~~~~~
张贴
