影片
更多
2024-12-17
0 浏览
真系冇谂过买个外卖⋯佢错晒，都系我受气，只可以讲而家啲阿姐真系够晒恶🤗我都有唔啱，我买嘢𠮶阵净系同佢讲要1碗碎牛粥加炸两～佢话$54，我就拍卡俾钱；买完见到张单上有（大），我先至发现原来个炸两系有分大细⋯⋯如果有大细分，我又净系嗌一碗粥，其实佢系咪应该都问一问系要大定细呢？定系市道唔好，赚得$5就$5？原本以为故事完咗，点知我等咗15分钟呢两样嘢都未到，但系单号码喺我10个位后面𠮶啲都已经攞晒啦⋯⋯于是我就行埋去问佢，请问呢张单有未？佢望都冇望我就话枱上面有就有冇就冇我：张枱喺我嚟之前已经冇嘢佢：你有你咪攞啰！冇就冇㗎啦⋯⋯我：你见到张枱上面有嘢食咩？佢：冇咁你就等啦（其实我一直都冇见过佢摆外卖上𠮶张枱）然后我如是者，我再等多10分钟我见到佢哋出餐位 系有我要𠮶两样嘢，都好耐㗎啦～咁我就问另外一个出外卖俾后我十几个单号码客人嘅人：请问呢张单系咪漏单？佢见到，就开始扮嘢话你碗粥出咗嚟好耐㗎啦，系冇炸两住（但当时出餐位起码有三盒炸两，我亦都睇住佢出咗起码两个堂食嘅炸两），我问佢咁你枱面上面𠮶几盒系？——其实我个餐得咗好耐，系佢哋漏单！咁等咩呢？我又买𠮶刻已经企喺度等等咗咁耐，难道睇唔到？希
我都有唔啱，我买嘢𠮶阵净系同佢讲要1碗碎牛粥加炸两～佢话$54，我就拍卡俾钱；买完见到张单上有（大），我先至发现原来个炸两系有分大细⋯⋯如果有大细分，我又净系嗌一碗粥，其实佢系咪应该都问一问系要大定细呢？定系市道唔好，赚得$5就$5？
原本以为故事完咗，点知我等咗15分钟呢两样嘢都未到，但系单号码喺我10个位后面𠮶啲都已经攞晒啦⋯⋯于是我就行埋去问佢，请问呢张单有未？
佢望都冇望我就话枱上面有就有冇就冇
我：张枱喺我嚟之前已经冇嘢
佢：你有你咪攞啰！冇就冇㗎啦⋯⋯
我：你见到张枱上面有嘢食咩？
佢：冇咁你就等啦
（其实我一直都冇见过佢摆外卖上𠮶张枱）
然后我如是者，我再等多10分钟
我见到佢哋出餐位 系有我要𠮶两样嘢，都好耐㗎啦～咁我就问另外一个出外卖俾后我十几个单号码客人嘅人：请问呢张单系咪漏单？
佢见到，就开始扮嘢话你碗粥出咗嚟好耐㗎啦，系冇炸两住（但当时出餐位起码有三盒炸两，我亦都睇住佢出咗起码两个堂食嘅炸两），我问佢咁你枱面上面𠮶几盒系？
——其实我个餐得咗好耐，系佢哋漏单！咁等咩呢？我又买𠮶刻已经企喺度等等咗咁耐，难道睇唔到？希望我唔会揾到佢公司个投诉电话，如果唔系我一定会投诉，个阿姐嘅态度真系世界级差！
0 浏览
0 赞好
0 留言
0 浏览
0 赞好
0 留言
0 浏览
0 赞好
0 留言
张贴
