真滋味美食

营业中

休息中

今晚约左朋友喺坚尼地城食饭，早左到又饿饿地，嗱嗱声去探下「真滋味」烤鸡脾先！呢个烤鸡脾真系会食上瘾，次次经过都心郁郁想再会一会佢。鸡脾腌得好入味，外皮就烤得好脆，一啖咬落去真系味觉既享受。而且烤鸡脾感觉比油炸健康，钟意食辣既记得叫老板娘加辣粉，有啲麻辣感，惹味大提升！p.s 曾经有试过排队时听到老外称呼辣粉为magic source，连外国朋友都对「真滋味」炸物赞不绝口！呢间炸物小店系区内无人不识，系一众街坊、学生既小食首选。不过老板休息唔定时，有时想食撞岩老板休息就只有食闭门羹。小店只卖炸物，三宝、墨丸、麦乐鸡等基本野一应俱全，但最广为人推崇既就系佢既烤鸡脾，想食就最好打电话叫定先，如果唔系就要企系街到等架喇。