鬼金棒

营业中

休息中

麻辣味增汤底嘅日本拉面就真系唔多见😕😕今次咁啱同屋企人一齐喺尖沙嘴行街就见到日本过江龙拉面店鬼金棒，本身仲担心屋企人唔系好食得辣，会食唔到呢度嘅麻辣拉面，但系店员都好好咁样解释可以走辣，屋企人就可以安心咁去享受味增汤底玉米笋辣麻味增拉面（另加味玉）辣麻味噌汤底有非常浓郁嘅猪骨味，配上微微辣嘅辣椒油做点缀，非常惹味！玉米笋口感鲜嫩无纤维之余仲有少少黑椒嘅味道可以见到系有事先腌制过。拉面用嘅面系粗身嘅拉面，口感嚟讲比较偏硬。另外追加咗味玉，其实就系日式糖心蛋，呢个简直系意料之外嘅惊喜，蛋味非常香浓仲有淡淡的甜味，而且蛋黄嘅颜色好红。特制拉面呢一碗拉面系舖头入面嘅主推，其实同其他拉面主要唔同嘅地方就系会多一旧大叉烧肉，叉烧嘅肉质非常之嘅软烂入味，而且有好香嘅酱烧味，份量俾佢一啲都唔少大大嚿咁，食到我都非常之嘅满足。我呢碗面嗌咗小辣小麻，其实就唔系好食到好重嘅辣味，比10小辣更加要唔辣，但系如果同屋企人𠮶碗相比较嘅话就会更加惹味啲啲。