德美壽司

营业中

休息中

难得下昼放假可以行远啲觅食，就去左想去好耐嘅德美寿司。之前都听过同事嘅推介，想试下佢嘅晚餐，不过见佢lunch set几扺食，大部分都一百蚊楼下，仲要唔洗加一，就食个午餐试下味先。佢平日个lunch做到三点钟，三点之后就会落场啦。我今次拣左海胆什锦鱼生饭，套餐包埋沙律、味噌汤、茶碗煮同甜品。一开始先上个青瓜丝鱼子蟹柳沙律，入面疑似有啲蟹肉，味道普通啦。之后再上味噌汤，味噌汤入面都几多海带同豆腐，仲有一只蚬味噌汤味道适中，饮完唔口干等左一阵之后，鱼生饭黎啦入面有海胆、北寄贝、鱿鱼、带子、三文鱼、油甘鱼、熟虾，见到系熟虾𠮶阵，个心沉一沉，我想食虾刺身呀！！！我食嘢嘅原则—就系食左冇咁钟意食嘅嘢先，所以拿拿林放只虾入口！咦？！有惊喜㖞！只熟虾几肉厚弹牙有甜味！油甘鱼三文鱼都好肥美，鱿鱼𠝹左花，好新鲜，好钟意黏黏地口嘅口感海胆呢个价钱黎讲算唔错，起码唔会腥腥苦苦，带子切得好厚仲好鲜甜，食完心情靓哂一碗好嘅刺身饭，饭系灵魂，德美嘅饭绝不欺场！饭嘅酸度适中，暗藏我最爱嘅香菇同好有惊喜嘅芝麻。原来嘅饭加左芝麻系好唔同，真系香好多，香菇同芝麻加哂分由于蒸蛋需时，食食下饭个茶碗煮终于登场啦，佢入面有蟹柳