初味

营业中

休息中

星期六都要开工真系戥自己难过....六点钟收左工决定食好少少!醒起初味有我最爱既西班牙乳猪食，趁佢六点钟未有太多客，即刻入去坐低先。单叫一份西班牙乳猪就唔够填饱我个肚既...于是叫多一个炸软壳蟹青瓜蟹籽沙律。【西班牙乳猪】乳猪系新鲜热辣即叫即烧嘅，难免要等耐少少。不过等待过后总会遇见美好嘅乳猪如我想像般皮脆肉嫩，带有少少脂肪先系最好食！有人钟意食中式乳猪个种爆皮嘅质地，而我就钟意食西班牙乳猪呢种又薄又脆嘅质感！点埋佢地自家制既酱汁，完全表达咩叫油而不腻！连伴碟既烧波萝都好好食！烧完之后波萝既糖分完美咁挥发哂出黎，件件甜美又多汁咩邪恶感统统掉走哂！份量刚刚好够一个人慢慢品尝【炸软壳蟹青瓜蟹籽沙律】炸软壳蟹份量都几大，软壳蟹炸得金黄松脆，炸粉上仲有少少调味。沙律部份都做得唔错，青瓜丝切得够幼细，蟹籽都落得够多，增加口感。酱汁酸甜醒胃，确系唔错。