影片
更多
2022-12-16
1258 浏览
一向都钟意食马拉嘢，不过，就唔会太刻意专登去食，喜欢随遇而安，而「苏山鸡饭」亦都无话刻意嚟，不过，撞啱约咗朋友过嚟长沙湾食饭，而听住晌附近嘅亲戚介绍，呢间主打星马菜嘅食店，绝对喺平靓正嘅街坊饭堂。 睇门面都估计到，餐厅都应该唔细，间铺确喺几深长，一室木系配上蓝调嘅座位，而地下黑白色大方格地砖，带点马拉怀旧茶室嘅感觉，加上墙上挂有唔少浮雕木绘，让简洁嘅装修又不失雅气。 餐牌盖咗层胶，有啲反光，好在晌外面有啲外卖单张拎，扫瞄晒出嚟就一目了然，由招牌鸡饭、推介、汤粉、蔬菜、小食、特色饮品到甜品，都充满星马风味，难得喺价钱贴地 ，又无加一，怪唔之得亲友叫佢做饭堂啦。 此外，亦有一系列午餐、下午茶、个晚餐精选……等等，已有多款招牌菜式供选择，包饮品，并有多种升级及加配优惠。 可以用二维码落单，相信都唔使多介绍啦，店家唔收加一，喺亲民嘅表现，再者，啲服务又好吖嘛，俾多少少贴士都值得。 顺化炭烧猪肉串 +$20既然有加配优惠，咁当然就用尽啲优惠啦，不过，印象中「顺化」应该喺越南嘅一个城市，但都唔理咁多，好食就得。以为喺平常嘅一嚿嚿嘅猪肉，嚟到一睇喺猪肉棒，咁功夫就自然多咗，入口好松化，又充满肉汁，唔
睇门面都估计到，餐厅都应该唔细，间铺确喺几深长，一室木系配上蓝调嘅座位，而地下黑白色大方格地砖，带点马拉怀旧茶室嘅感觉，加上墙上挂有唔少浮雕木绘，让简洁嘅装修又不失雅气。
餐牌盖咗层胶，有啲反光，好在晌外面有啲外卖单张拎，扫瞄晒出嚟就一目了然，由招牌鸡饭、推介、汤粉、蔬菜、小食、特色饮品到甜品，都充满星马风味，难得喺价钱贴地 ，又无加一，怪唔之得亲友叫佢做饭堂啦。
此外，亦有一系列午餐、下午茶、个晚餐精选……等等，已有多款招牌菜式供选择，包饮品，并有多种升级及加配优惠。
可以用二维码落单，相信都唔使多介绍啦，店家唔收加一，喺亲民嘅表现，再者，啲服务又好吖嘛，俾多少少贴士都值得。
顺化炭烧猪肉串 +$20既然有加配优惠，咁当然就用尽啲优惠啦，不过，印象中「顺化」应该喺越南嘅一个城市，但都唔理咁多，好食就得。以为喺平常嘅一嚿嚿嘅猪肉，嚟到一睇喺猪肉棒，咁功夫就自然多咗，入口好松化，又充满肉汁，唔知喺咪真喺炭烧，但确喺有阵阵炭火香。廿蚊3串，抵食到晕啦。
顺化炭烧猪肉串
7 浏览
0 赞好
0 留言
参巴酱通菜 +$20呢个又喺抵食，无话因为加配，而份量就将货就价，一样载到满大大碗，比起好多粉面店还要大碟。虽然点菜时有得拣走辣，但走辣就失咗少少风味，况且，无走辣，其实都唔喺好辣。参巴酱类似我哋嘅虾酱，食落非常咸香惹味，带微微辣，通菜又够爽口。
参巴酱通菜
16 浏览
0 赞好
0 留言
既然店名叫得鸡饭，朋友就话梗喺叫鸡饭啦，仲标明走地鸡，仲配上白胡椒肉骨茶、鸡油饭，包埋餐饮，绝对喺精选中嘅精选，完全唔使多谂，就拣佢。的确，单喺一整盘套餐送上嚟，卖相已好吸引，最搞嘢，拣咗少饭，都一大碗，再睇吓其他客，原来正常饭量喺会堆到成咗山咁。
狮城芽菜走地鸡饭配轻怡新加坡白胡椒肉骨茶
$90
10 浏览
0 赞好
0 留言
用上走地鸡，油脂会无乜，果然食落鸡皮更爽下，皮下近乎零脂肪，啲肉又嫩滑，加上已去骨，啖啖肉；佐食嘅3款酱汁：秘制辣酱、姜蓉、黑酱油，够晒传统、地道，下面垫咗唔少怡保芽菜，外形短身肥嘟嘟，清爽有特色。
白胡椒肉骨茶饮落阵阵白胡椒香，少咗朕药材味，对好多人嚟讲变得轻怡易入口，猪肋排亦炆到好腍、好松化，啲肉一咬就开。依家天气冻，饮呢个汤够晒暖胃！
星洲龙虾叻沙掺掺配鲜油咖央多士 $128老早就相中呢个餐，因为有我钟意食嘅叻沙，更配上龙虾添，真喺无得唔点，再者，配埋同样打算都会嗌嘅咖央多，真喺一个餐满足两个愿望，合晒心水。嚟到果然好有睇头，半只大龙虾，兼有好多配料，绝无欺场，掺掺份量又多，真心推介。
星洲龙虾叻沙掺掺配鲜油咖央多士
$128
42 浏览
0 赞好
0 留言
鲜油咖央多士卖相够晒邪恶，中间件牛油厚到呢，件多士烘得极之脆口，中间嘅咖央好清甜，搭上香滑鲜香嘅牛油，𠮶份化学反应绝对唔喺一条公式讲得明，只有试过你就知有几好食。
鲜油咖央多士
14 浏览
0 赞好
0 留言
鲜柠檬薏米水 套餐包鲜柠檬薏米水或基本热饮，亦可加钱转冻饮或特色饮品，但天寒地冻，当然饮杯热饮暖和啲。入口有阵阵柠檬清香，饮到尾就见有好多薏米晌杯底，饮完感觉非常舒服。
多谢亲友嘅推介，果然抵食，百零蚊就食到捧住个肚走，而且，味道非常之好。啲阿姐亦好有礼，见我哋每逢食完嘅嘢，都帮忙收搭，保持枱面整洁。
张贴
