北海道爐端燒 (已結業)

今日同朋友约左去尖沙咀一间日本野食野，一入到去已经好有日本居酒屋既感觉！我地一坐底，好快一本又大又厚嘅餐牌就出现啦，上面有好多唔同嘅小食，如果你钟意饮酒嘅话，一定好喜欢呢个餐牌，因为全部都好岩用嚟做下酒小菜！我地都叫左两杯试下，都真系唔错架！我地即刻叫左盐烧鱿鱼须，同落足料嘅明太子鸡蛋卷，听落平凡，但绝对做得出色！一咬落去，啲明太子即刻标岀黎！我地仲叫咗盐烧鲑鱼腩，配上柠檬汁新鲜开胃。呢度嘅煎饺子配上酸酸辣辣嘅柚子汁都好值得一试，侍应仲特地提醒我哋柚子汁微辣要小心，十分窝心。