影片
更多
2020-02-12
3767 浏览
来过玉庭都有两次，一路都觉得呢度几值得推荐，当中有几个菜式，做得出色。餐厅价钱唔算贵一路都知，上月底朋友P先生系Facebook post左佢同人farewell 食左个好抵食嘅餐，又虾又蟹又花胶又龙趸，好似好精彩咁，八卦下问一问，知道价钱后先发觉呢个餐真系好值得试下，于是月初疫情尚未咁厉害的时候就过左去食。呢个餐名叫海皇盛荟，以几个名贵菜式如龙趸、龙虾和鲍鱼等做主角，全部都分量十足。而且唔一定要好多人先食到，你可以四位，六位或者十二位来吃，越多人价钱相对越平。虽然好多人话唔好出街食饭，不过呢到都有不少私人房提供，有必要时，来试试也不错，个promotion menu 做到月尾。第一个相对最普通，海龙荟生虾，当然我如果话俾你有几惊为天人，你都觉得纯粹讲笑，不过虾够新鲜弹牙，就已经好好，点下个豉油汁，已经系最好美味。金钓椰菜苗爆鲜鲍鱼就真心要赞，炒得出色，抢镜嘅椰菜苗系劲好食，完全系无谂过咁出色。两个前戏后，当然要饮汤，吃一围一围菜好多时都喜欢食翅，不过依家都系流行吃燕窝，花胶鸡茸雪燕羹的甜美，有养颜滋润嘅效果，又有名贵嘅贵气，而且雪燕毫不吝啬，这个相信无人会不爱。鳕场蟹系近呢几个月嘅主
餐厅价钱唔算贵一路都知，上月底朋友P先生系Facebook post左佢同人farewell 食左个好抵食嘅餐，又虾又蟹又花胶又龙趸，好似好精彩咁，八卦下问一问，知道价钱后先发觉呢个餐真系好值得试下，于是月初疫情尚未咁厉害的时候就过左去食。
呢个餐名叫海皇盛荟，以几个名贵菜式如龙趸、龙虾和鲍鱼等做主角，全部都分量十足。而且唔一定要好多人先食到，你可以四位，六位或者十二位来吃，越多人价钱相对越平。
虽然好多人话唔好出街食饭，不过呢到都有不少私人房提供，有必要时，来试试也不错，个promotion menu 做到月尾。
第一个相对最普通，海龙荟生虾，当然我如果话俾你有几惊为天人，你都觉得纯粹讲笑，不过虾够新鲜弹牙，就已经好好，点下个豉油汁，已经系最好美味。
金钓椰菜苗爆鲜鲍鱼就真心要赞，炒得出色，抢镜嘅椰菜苗系劲好食，完全系无谂过咁出色。
两个前戏后，当然要饮汤，吃一围一围菜好多时都喜欢食翅，不过依家都系流行吃燕窝，花胶鸡茸雪燕羹的甜美，有养颜滋润嘅效果，又有名贵嘅贵气，而且雪燕毫不吝啬，这个相信无人会不爱。
鳕场蟹系近呢几个月嘅主角，餐厅好多主题呢排以佢做主角，不过相对呢个菜式个人就普通，可能我不喜欢煎炸野吧，香酥薯蓉鳕场蟹脚是做得不错，只不能口味上我不好，蟹脚好大条啖啖系肉，只不过我觉得如果用蛋白清蒸，个人会较欣赏。
劲有气势嘅海参扣原条龙趸，如果四人来，当然冇相片呢条咁大条，当晚我人数颇多，但呢条龙趸认真份量十足，仲要加上大量名贵海参在底，可以想像整个口感令人会心满意足，最重要佢汁同条鱼扣得好夹。
另一主角系豉蒜波士顿龙虾配香煎新竹米粉，通常配蛏子的米粉底今日好得叫人魂牵梦系，龙虾的味道当然不错，大只新鲜而且处理得宜，不过却是配角更抢眼，豉蒜同炒加上米粉的弹牙，令这个菜式个个都赞。
吃左都唔知几多海鲜后，来个瑶柱扒皇帝苗，皇帝苗嫩绿鲜甜，加上瑶柱点缀，那有不好的理由。
不过，其中一位朋友还未试过呢度嘅鸭，既然一场来到当然要单点一只，多种不同食法各适其适，之前介绍过也不再多谈。
平时的单尾可能都会炒饭炒面炒粉，不过呢个餐可能刚刚有个香煎新竹米粉做底，因此尾声有个新意思，高汤凤城水饺，每粒都很饱满。
甜品简单点，滋味合桃酥，相对我无咁喜欢，个人觉得有个糖水，感觉会更美妙。
记得，越多人食，每位价钱越平，如果近来系屋企食得太闷，就来试一下。
可惜遇上近来武汉肺炎的事件，如果唔系呢个咁平嘅餐我好相信一定好爆，而家趁大家都未必有意欲出去食饭嘅时候，系冇理由日日屈系屋企嘅情况下，真心推荐俾大家试下。
玉庭
沙田白鹤汀街8号帝都酒店1-2楼
张贴
