影片
更多
2021-03-30
1037 浏览
系我写个千几二千篇嘅食评当中，记得用上呢个题材，应该唔系第一次。 说穿了咖啡樽里的汽水就是形容喺西餐厅食中餐，日本居酒屋食中式点心，你去嘅餐厅唔一定代表你食紧𠮶样嘢。 香港多fusion菜，但系就好少餐厅身兼几职，小店可能都会多，但酒店餐厅真系好少见。 睇得多我写野嘅读者可能都会有见过我写玉庭，位于沙田嘅帝都酒店餐厅，本身食潮州菜中菜为主，我听到话呢度有涮涮锅，直头急不及待要黎试，实在太有趣啦。 今次佢呢个promote全部用上自家日本菜樱田嘅来货，因此，绝对不会令你失望。 前菜先上精致刺身拼盘，当然不能错，用上樱田靓刺身，正到不得了，款式当然唔会话好似乜嘢高级刺身船咁多，但以呢个价钱，有虾、带子、赤贝、蚝，全部精彩高质。 涮涮锅餐有两种选择，一个食牛一个食海鲜，我哋多人，刚刚好叫两个set分甘同味。 全牛拼盘可以话系所有牛魔王天堂，五种牛肉佐贺A5和牛，九洲萨摩A5和牛，澳洲M7 和牛肉眼及顶级美国安格斯牛小排，全部好似候选佳丽咁系楼梯度俾你任点任选。 个人最喜欢嘅当然系最油份高嘅佐贺牛和口感浓烈的萨摩A5和牛，牛肉眼及顶级美国安格斯
说穿了咖啡樽里的汽水就是形容喺西餐厅食中餐，日本居酒屋食中式点心，你去嘅餐厅唔一定代表你食紧𠮶样嘢。
香港多fusion菜，但系就好少餐厅身兼几职，小店可能都会多，但酒店餐厅真系好少见。
睇得多我写野嘅读者可能都会有见过我写玉庭，位于沙田嘅帝都酒店餐厅，本身食潮州菜中菜为主，我听到话呢度有涮涮锅，直头急不及待要黎试，实在太有趣啦。
今次佢呢个promote全部用上自家日本菜樱田嘅来货，因此，绝对不会令你失望。
前菜先上精致刺身拼盘，当然不能错，用上樱田靓刺身，正到不得了，款式当然唔会话好似乜嘢高级刺身船咁多，但以呢个价钱，有虾、带子、赤贝、蚝，全部精彩高质。
涮涮锅餐有两种选择，一个食牛一个食海鲜，我哋多人，刚刚好叫两个set分甘同味。
全牛拼盘可以话系所有牛魔王天堂，五种牛肉佐贺A5和牛，九洲萨摩A5和牛，澳洲M7 和牛肉眼及顶级美国安格斯牛小排，全部好似候选佳丽咁系楼梯度俾你任点任选。
个人最喜欢嘅当然系最油份高嘅佐贺牛和口感浓烈的萨摩A5和牛，牛肉眼及顶级美国安格斯牛小排则以质感取胜，当然看你系什么派别嘅朋友，相对我都系较为钟意油份强嘅牛肉较得我欢心。
至于海鲜方面，气势冇咁凌厉，但系样样海鲜都非常高质，波士顿龙虾有2只、南非孔雀鲍鱼有4只、大蚬8只和北海道带子8件。
野菜拼盘一客才是主菜，由娃娃菜、小棠菜、番茄、青菊、南瓜、蕃薯、小青椒、秋葵、京葱、大根、冬菇、杏鲍菇、金针菇同稻庭乌冬。
你可以话好似喺Aeon同Donki一样行咗一转超级市场，啲菜嘅质素全部都系靓料，真系好似行咗一转日本超市咁，我同我老婆基本上净系食呢一个拼盘都已经非常之满足，讲真喺超级市场买到呢个阵容一啲都唔平，又唔使买又唔使烦，几正。
先讲咗火锅料先讲汤底，可能你会觉得奇怪。但宝物沉归底，汤嘅选择多到一个点，寿喜烧汤到利尻昆布汤到辣味噌豚骨汤，又或者其他特别的野菌舞茸汤，柚子清酒大蚬汤，木鱼鲜人参鸡汤，鲷鱼浓汤，蕃茄鲜虾浓汤，北海道3.6牛乳蟹汤，多到咁真系眼花撩乱。
最后我哋要咗牛乳蟹汤同鲜虾浓汤，这两个最配牛肉同海鲜。
先饮牛乳汤，又甜又滑，真系好似饮奶咁，另外鲜虾浓汤就满布蕃茄味，如果有机会听闻清酒大蚬汤都系大推，记得呢度嘅汤底都系重点。
另外推荐呢度配搭嘅清酒久美の浦－纯米吟酿，店员话系哈密瓜般的浓浓果香，送海鲜特别适合，冇办法抗拒唔叫一支。
以今晚嘅阵容你计，水准真系好高，当然价钱可能有少少贵咗，但系配合地点同埋员工超级殷勤嘅服务，我觉得，值得一试。
玉庭
沙田白鹤汀街8号帝都酒店1-2楼 港铁沙田站 A3 出口
张贴
