玖捌 (已結業)

某日路过呢间店铺，见到新开既餐厅，俾门面既蓝绿色吸引左，呢只色好特别，之后就望下有咩食同饮甘，店员好好甘拎左张外卖纸俾我睇，仲问我入唔入去坐，之后我就问店员有咩好饮既推介特别饮品，佢就叫我试下格仔饼，格仔饼食就食得多啦，饮落口既格仔饼就真系第一次，同埋见到个玻璃柜有好多款五颜六色既甜品放响度，我就问店员几钱同埋咩颜色系咩味甘，店员细心逐一介绍款式同味道俾我，呢度既甜品仲有样特别之处就系”一啖一口"，唔会太多甘就可以试多几款唔同既口味，买左外卖既芝士蛋糕，软心菠萝包同马卡龙，原来呢度开左三个月左右，店员仲讲左璧画既字既故事俾我知（想知可以去餐厅问下店员，我就唔开估果两个字既意思啦～哈哈）格仔饼饮品甜得黎又有花生酱仲有糖葱饼既糖饼条，饮落口感都几特别，又几有咬口甘，材料真系落到足嫁，唔知迟下会唔会连"鸡蛋仔"味都有呢？哈哈。店员仲问我会唔会堂食一件先，我就食左芝士蛋糕，迷你得黎又真系唔太甜几好味。其他五件就用个靓靓盒包住拎走。走之前仲影左张璧画相，真系好靓同有意思。不过软心菠萝包就味道一般，开心果既味唔够出，可以改良一下。马卡龙同芝士蛋糕都好好味。