No Money So Lonely

营业中

休息中

又一间风格搞怪嘅餐厅，整体感觉同mamaday好似，听朋友讲先知系姊姐店。呢间店舖嘅食物比较fusion，以泰式风味为主。现场装饰几特别，但灯光略嫌刺眼，特别系近门口位置。.素食者专用田园沙律 $88拣沙律纯粹想消滞，沙律菜配醋汁好开胃，而且里面混合咗好几款水果 (苹果、蓝莓、芒果、火龙果)，都适合嗌嚟做前菜。冬荫公大虾比萨 $138饼底比较薄身，上面会有埋薯蓉同芝士，口感好丰富。Pizza有好香冬荫公味，但食落又唔觉得辣。大虾好弹牙，另有蒜蓉系面。贫穷是寂寞拼盘 $78拼盘要咗半份，可以拣三款口味。只不过有部分选项都系落单先知冇货，最后就拣咗天妇罗虾、炸鱿鱼同越南春卷。炸物几爽脆，炸粉唔会太厚，食落都冇油腻感。