Veggie4love

营业中

休息中

呢日朋友介绍，我就嚟咗呢间中环楼上嘅素食餐厅，一开门就见到好多人特色玩味好重美式年代布置。有好多玩具，纪念品，怀旧电视机等。而且播放住轻快怀旧美式嘅音乐，真系好似去咗主题乐园咁，非常有特色。见到餐牌上嘅选择都好多, fusion 咁西式亚洲风嘅都有， 10分迎合到唔同人嘅口味。Kobe’s Favourite 素汉堡扒伴配烧烤酱似巨无霸咁嘅份量大，面包外脆，佢嘅素汉堡扒亦都打破咗平时对植物肉嘅概念，肉质似肉得来，口感唔会太淋，比想像中好食。烧烤酱酸甜，带微辣。职员都好细心表示，如果唔食得辣可以order 分开另上，或者转白汁。朱古力心太软配雪糕份量适中，雪糕嘅朱古力味几浓味，唔单只外层蛋糕好足朱古力味 好软熟 入面嘅流心朱古力酱够多之余 都几香同软滑。会买啲燕麦脆脆，口感丰富。Conclusion: 价钱中环来讲算系偏平，而且有主题特色同埋素食健康嘅宗旨，都适合一家大细，钟意素食健康，同埋有怀旧主题嘅朋友。值得一试。