What The Food Cafe (已結業)

突然好挂住呢间咁有玩味嘅cafe, 所以要老公陪我嚟！见到佢地新增咁夹糖嘅area! 如果喺度做嘢！我一定夹到唔舍得走！五颜六色，好靓呀！如果有梳化位，我一定会拣嚟坐！佢张梳化都唔知有咩魔力，次次坐落去都可以好似喺屋企咁舒服，场内只有三张！好彩都安排到我坐呢度！🤭喺度都食过好几次，今次有惊喜！因为佢转咗餐牌呀！当然佢有保留到佢嘅皇牌鳗鱼饭喇！但一间好嘅食店，系点咩都可以得到食客既欣赏！为咗体验厨师嘅厨艺，我决定今次唔食鳗鱼饭！😂餐包同罗宋汤！个包包系热嘅黑糖包，而个汤非常浓口！睇吓！好足料㗎！而黑糖包系实心，而唔系空气面包，够哂咬口同香甜！柚子芦荟沙冰～成日喺出面饮沙冰，都要隔啲时间得佢溶先可以饮到，但呢度好聪明！打一半！咁就有沙冰效果而又即时可以饮到喇！可知面前有嘢饮而又等佢溶，系几咁煎熬！威灵顿牛柳（可选配饭/意粉/薯菜）～哗！一嚟到见到个卖相已经吞口水喇！不枉店员提示要等半个钟，我都系坚持要等呀吓！个牛柳极淋！唔痴牙又无根！熟嘅程度刚好！个酥皮仍然呈香脆状态！配上呢个薯仔+芝士香香滑滑嘅批仔，好满意！同时亦知道设计呢度菜既厨师没有交行货！正！朱古力蛋糕窝夫～前同后有唔同嘅配料！可