影片
更多
2014-04-16
6122 浏览
「鸿星」晌小弟心目中一向喺间饮茶、食饭都颇贵嘅酒家，不过，素质唔错，而且，佢嘅动物创意点心就一直好深刻印象。由于今次茶友嘅组合包括好几个家庭，有两个好细个嘅小朋友，所以，负责嘅搞手就拣咗嚟鸿星饮茶。旺角始终喺旺角，就算新世纪依边亦变得越嚟越多人，尤其大概一年前依度翻新过，就更加墟撼。幸好，店内环境又唔喺太过逼，我哋一行6大2细，被安排咗张大枱，都坐得松动舒服，再者，绒面梳化椅，又真喺几好坐。收费方面，由小点到顶点8个级别，平日定假日，正价定茶市优惠，都一清二楚。茶芥 $10位、酸菜 $5位早茶时段（即喺12:00pm前离座埋单计）免收酸菜，否则平日收$4位，星期六、日、假期就收$5位，酸菜喺乜？炸鱼干仔是也 ！既然多少都为啲动物创意点心而嚟，当然，都拣少少嚟氹吓啲细路仔。睇匀所有点心纸，总共有7款依类点心，分别喺小鹿斑比、狮子王、青蛙王子、小飞象、小企鹅、奶皇小蜜蜂及棉花白兔仔，款款都做得生动别致 ，最后拣咗后两者。 棉花白兔仔 $20 一客4件嘅白兔仔棉花糖，唔单只做得维妙维肖，更给人得意可爱之感，无怪乎一上枱，小朋友都抢住要。棉花糖入口非常软绵，咬落唔黐牙，又沾满椰丝
旺角始终喺旺角，就算新世纪依边亦变得越嚟越多人，尤其大概一年前依度翻新过，就更加墟撼。幸好，店内环境又唔喺太过逼，我哋一行6大2细，被安排咗张大枱，都坐得松动舒服，再者，绒面梳化椅，又真喺几好坐。
收费方面，由小点到顶点8个级别，平日定假日，正价定茶市优惠，都一清二楚。
茶芥 $10位、酸菜 $5位早茶时段（即喺12:00pm前离座埋单计）免收酸菜，否则平日收$4位，星期六、日、假期就收$5位，酸菜喺乜？炸鱼干仔是也 ！
既然多少都为啲动物创意点心而嚟，当然，都拣少少嚟氹吓啲细路仔。睇匀所有点心纸，总共有7款依类点心，分别喺小鹿斑比、狮子王、青蛙王子、小飞象、小企鹅、奶皇小蜜蜂及棉花白兔仔，款款都做得生动别致 ，最后拣咗后两者。
棉花白兔仔 $20 一客4件嘅白兔仔棉花糖，唔单只做得维妙维肖，更给人得意可爱之感，无怪乎一上枱，小朋友都抢住要。棉花糖入口非常软绵，咬落唔黐牙，又沾满椰丝 。
奶皇小蜜蜂 $24 另一款造型十分传神嘅动物点心，好趣缴又肥嘟嘟嘅小蜜蜂，以杏仁片作为两对小翼，真喺颇有心思 。甘香而有烟糯嘅外皮，内里喺填得满满嘅奶皇，既香且滑 。
其他嘅广东点心，就一人拣啲心水，免得有人无啖好食嘛。
纯鲜虾饺皇 $34 老套一句就真喺皮薄馅靓，确实外皮折纹清晰，薄透而口感黏糯，馅料满满载著鲜虾，爽弹而鲜甜。
潮州粉果 $20粉果就做得有点失色，因为外皮较粉，几黐牙，馅料做得粗枝大叶，又唔够均匀。
鸳鸯烧卖 $27鸳鸯，一为牛肉烧卖，一为鱼肉烧卖，各款两件。试咗前者，牛肉打得松软，此外，就唔觉有咩突别之处，大抵惯咗叫完虾饺就手剔埋烧卖吧！
酥炸鱿鱼须 $46 鱿鱼须选材较粗身，所以，啲鱿鱼须口感唔会太干太韧，咬落软熟，再者，粉浆簿，兼且炸得甘香酥脆，确喺好食 。
棉花鸡 $38 鸡肉蒸得几嫩滑，而「棉花」（鱼肚）口感腍爽，索咗啲鸡油，添多份油香鲜品。
蜜汁叉烧包 $27初时笼叉烧包嚟到，以为嚟错，因为纯以外观，个包法似菜肉包一类多过似叉烧包𠮶种火山型，当然，一咬就知无嚟错。由于个叉烧包相比一般为细，所以，馅料亦唔多，还好味道不俗，又无乜肥肉。
珍珠糯米鸡 $31一客两件，所以比出面有啲一客三件嘅为大，由于小弟无试到糯米鸡，所以，不评。
豉油皇煎肠粉 $33 个豉油味好香浓，而且，煎得「匀巡」入味，唯一要挑剔都只喺啲肠粉欠缺焦香，唔似煎肠粉，似炒肠粉。
牛肉煲仔饭 $28 虽然饭焦欠奉，但饭粒煮得干身分明，软绵适中，淋上甜豉油都已经好好食，而且牛肉饼蒸得松软，好香葱味。
整体鸿星嘅点心做得有水准，当然，部份有啲未够称心，不过，个人口味不尽相同，至少同枱朋友个个都觉得好味啦！
张贴
