至尊雲吞麵雞煲

营业中

休息中

近排天气开始秋凉，最啱就系去郊游啦！嚟到湿地公园，喺湿地保护区行吓沼泽、泥滩、红树林，再睇吓湿地生物，玩咗成日真系又攰又肚饿。好彩喺湿地公园隔篱就有一间任饮任食嘅至尊云吞面鸡煲，好味之余，价钱又够晒亲民呢！麻辣鸡煲天水围至尊云吞面鸡煲用咗新鲜辣椒，加上大量芫荽、洋葱同各种香料炒香，鸡件索晒辣汁，够晒惹味。我哋叫咗小辣，唔算太辣，钟意食辣嘅朋友不妨由中辣挑战。鸡件大小适中，非常新鲜，仲可以无限添加鸡肉。火锅配料配料多达50款，真系花多眼乱，最正嘅当然系鲜牛肉同肩胛肥牛片，两款牛肉都新鲜嫩滑，肉味香浓。脆鲩片、鹅肠同牛柏叶等火锅都系必叫嘅配料，同样够新鲜，索晒汤汁就最惹味。虽然系任叫任食，但火锅配料嘅质素都唔会将货就价！炸馒头以为呢度最出名嘅系鸡煲，咁你就大错特错喇！炸馒头系至尊云吞面鸡煲嘅其中一款必点食物，差唔多每一台都叫嚟食。炸馒头外脆内软，加埋炼奶，简直系画龙点睛，真系都忍唔住encore多碟！