春風三月 (已結業)

食完饭，系千色汇行街，无无聊聊，好耐冇饮珍珠奶茶，突然好想饮，于是走去揾。啱啱见到呢间好似未饮过，不如试下啦⋯⋯朋友仔买左杯黄金果茶。真系好黑仔啊，等等下，落大雨，唉～成身湿晒，唯有跑过对面继续等。我呢，就叫左杯奶盖double玫瑰绿茶，攞左饮品，之后，快d揾个地方匿埋慢慢饮先。睇下个杯身，都几得意㖞，会教你点样品尝呢杯饮品。呢个杯既设计都几特别，我几中意，除左可以饮到奶盖，有时d珍珠塞住左条管，打开可以大大啖饮。呢杯饮品个奶盖好香好浓郁，仲渗有淡淡玫瑰香味。珍珠亦都好有咬劲，同样渗有小小玫瑰香味。