茶里 (淘大商場) (已結業)

放工经过淘大，就周围行下，咁啱见到呢间叫茶里嘅铺头，行去望下，发现收银哥哥几靓仔再望下Menu, 见到四季花茶系列好似几正，平平地24蚊一杯，一于叫一杯嚟试试。呢间嘢原来收银同埋拎嘢饮嘅位置唔一样，收银哥哥有善地告知我四季花茶系列即叫即整，所以要等5分钟，同埋叫我去转角位等拎嘢饮，我冇咩所谓，反正5分钟玩下电话好快就过。冲嘢饮嘅果位都好靓仔，搞到我好想入去做🤣等佢叫到我number, 二话不说立刻试饮。结果味道真系几唔错，重点系杯嘢只色好鬼死靓，淡粉红色再加上玫瑰花，拎嚟打卡就perfect 池，淡淡嘅花香饮落去非常顺口，下次会再饮。