影片
更多
2021-08-29
15 浏览
最近港岛区多咗个打卡新热点，就系重新开放嘅中环街市，所以就同朋友喺附近医饱个肚先，先至再去呢个新场打个卡。行过见到呢度墙身嘅壁画好吸引，于是我哋就坐低食下野。我叫咗一个everything eggs benny，Lavender latte，同埋Brownie and rose。多士有两块，外皮够硬，原本配埋意大利风干火腿会有少少太咸，不过面头放咗菠菜同埋两只胀卜卜嘅水波蛋，再加埋满满嘅荷兰酱，一督开只蛋就做到流心嘅效果，荷兰酱嘅甜味加埋蛋浆嘅香味，即刻中和晒火腿嘅咸味，超级正呀，即刻拎电话出嚟打卡。上面仲有用牛油果卷成嘅牛油果花，就算下午茶时间黎食，都唔惊唔饱啦。Lavender latte 好快就上咗嚟，隔离有啲薰衣草花粒做装饰，完全唔会影响咖啡嘅香味，除咗有咖啡香，仲有好香嘅奶味添！另外𠮶个甜品都好靓呀，见到就开心啦！ 个Brownie有非常之重嘅朱古力味，见到外皮焗到好像已经表面有晒裂痕，督入去食落口都有好浓郁嘅朱古力味，加埋隔离云呢拿雪糕球，更加系赏心悦目。雪糕球都好有心思咁，整成嘅玫瑰花状，每1块花瓣都系雪糕，除此之外仲加上玫瑰花碎，见到即刻少女心爆棚，唔影返十张八张相对唔
我叫咗一个everything eggs benny，Lavender latte，同埋Brownie and rose。
多士有两块，外皮够硬，原本配埋意大利风干火腿会有少少太咸，不过面头放咗菠菜同埋两只胀卜卜嘅水波蛋，再加埋满满嘅荷兰酱，一督开只蛋就做到流心嘅效果，荷兰酱嘅甜味加埋蛋浆嘅香味，即刻中和晒火腿嘅咸味，超级正呀，即刻拎电话出嚟打卡。上面仲有用牛油果卷成嘅牛油果花，就算下午茶时间黎食，都唔惊唔饱啦。
Lavender latte 好快就上咗嚟，隔离有啲薰衣草花粒做装饰，完全唔会影响咖啡嘅香味，除咗有咖啡香，仲有好香嘅奶味添！
另外𠮶个甜品都好靓呀，见到就开心啦！ 个Brownie有非常之重嘅朱古力味，见到外皮焗到好像已经表面有晒裂痕，督入去食落口都有好浓郁嘅朱古力味，加埋隔离云呢拿雪糕球，更加系赏心悦目。雪糕球都好有心思咁，整成嘅玫瑰花状，每1块花瓣都系雪糕，除此之外仲加上玫瑰花碎，见到即刻少女心爆棚，唔影返十张八张相对唔住自己呀。😜
张贴
