小白屋 (已結業)

之前睇有线阿苏介绍已经想试，不过都系怕多人而作罢。今次经开大坑，竟然无人等位即刻有得坐，惊喜。里面环境都好ok丫，绝对唔系茶餐厅格局，几warm咁，坐得算舒服。因为太热喇，所以一坐底就即刻叫左个薯仔沙律开下胃先。论开胃佢都算合格既，因为上面类似番茄丝既物体超酸，个沙律好淡，无乜味。好在令人期待既烧猪肋骨同薯条保返数，好好味㖞！猪肋骨肥瘦适中，个烧汁好夹味，薯条热辣辣又够厚，唔点酱都好食；个pizza唔油腻，比起味精王pizza hut，呢度既算系清淡。食完呢三款之后已经再无空间叫甜品，唯有下次再试啦。