飯廳 (已結業)

昨日约咗friend响荷李活广场睇戏，睇完戏就响商场内食晚饭。其实都时常经过，但未曾食过，结果就提议一试。入内即刻有位，环境唔错坐得舒服，重有live music。佢有set dinner，大约七＋至九十蚊不等，包餐汤、餐包、主菜、甜品和餐饮。但我又唔想食咁饱，最终就叫咗一个set dinner另散叫意粉加饮品。1) 炸软壳蟹天使面($48): 炸软壳蟹唔油，而天使面都好好味。2) 椰林飘雪($28): 其实同Pina Colada差不多，不过冇酒精成份。椰汁味好重加上有菠萝汁味，不太甜，都几好饮。Set Dinner:餐汤系南瓜忌廉汤，但朋友话完全冇南瓜味，不过都尚算creamy。主菜系三文鱼意粉，三文鱼好味又有口感，不过朋友唔太钟意因为个白汁太重芝士味。甜品系cheese cake，味道不过不失。餐饮要咗冻柠茶。总括来说食物都ok，环境好、价钱大众化和service好，值得介绍朋支嚟试。