MoMo Café

营业中

休息中

呢间酒店餐厅打正「万豪」牌头， 贯彻其贵精不贵多嘅原则，务求做到食物重质不重量， 但部分细节都系不会著重兼夹甩辘！ 或者因为系星期一晚上关系，食客比较少，但全晚数埋只得五枱人，静到自己嘅心跳声都听到！老老实实如果要以原价去食呢一餐自助餐绝对不值……食物普遍不算太差， 但系烧味放入热薰蒸气锅内保温，已经令到烧味失去原有味道。 海鲜冇生蚝冇面包蟹，其他都应有尽有， 都系一般入得口嘅质素冇话特别好亦唔太差。 食咗两三碟食物， 想食个雪糕隔一隔， 点知咁就中伏啦！ 落去啲雪糕溶溶地， 以为一格系咁点知全部都系， 最后揭发咗佢部雪糕机制冷功能死咗， 呢样嘢真系令到我有啲灰， 最后忍唔住捉住咗一个高级嘅女主任「耶稣」一番， 其实生意已经唔系旺，如果开市前嘅检测都做唔好嘅话， 咁有几平折扣都难以招客。