魚塘鴨子 (已結業)

今晚去左鱼塘食饭，事关表妹生日而渠个女，人仔细细得4岁不过就劲钟意食渠地既片皮鸭，哈哈，所以都系迁就返大帝去呢度食啦，即日BOOK台以为冇位好彩有得食头围即系6点开饭。一坐低唔洗讲甘多，一定ORDER左半只鸭先因为需时制作。小编因为生飞滋所以都冇叫小编既挚爱咸蛋虾球，反而今次叫清清地既赛螃蟹，叫一个鸡汤烩面，蒜茸蒸帆立贝，四季豆，酥炸蟹钳，总共六个菜，样样都好好味道，特别系赛螃蟹，我个姨甥女食到LAM晒脷，小编都觉得真心唔错既，暂时系食过最好味道既，好滑好香蛋味，里面加左D鱼肉好特别，小编都非常LIKE呢道菜。要讲比较唔好味既就系蟹钳，比较干身。另外要讲既系呢度既茶特别好饮，我地叫左普洱，D茶叶加左玫瑰花，好香好香，好清新呀，小编母亲大人非常喜爱。呢度服务都非常好，好殷勤，快手快脚，又成日帮你添茶，小编真系非常满意，所以食到7：30就醒水早D还台比人，费时阻住人啦。 ENCORE指数100%，皆因食物，服务，环境俱佳，价钱唔贵，我地3大1细埋单1200，都算系甘啦，话晒O系园方食饭，价钱当然唔会太低，但以质素黎讲系超值LOR！