味力冰室

营业中

休息中

又到Lunch时间，冻奶茶系每日都需要饮嘅野，而鲗鱼涌其实冰室选择都几多，平时行过"味力冰室"都唔知点解超级多人排，见今日自己一支公食饭，入去队都唔洗排。入到餐厅，位置都摆得好迫下，人同人之间都系得20 - 30 cm相距。因为得一个人，而家都系避免唔倒要同陌生人对住坐。见倒对面个个人叫个叉烧滑蛋饭好似好好食，果断叫黎试下。"香葱滑蛋叉烧饭" $58份量黎讲系足够一个成年男人食饱，佢蛋份量相比其他同样食物系多，我估最少有2-3只蛋，蛋炒得好滑身同带少少生蛋白，叉烧质素都唔错，望落以为系比较干同柴，但食落系几冧。但系个葱食入口好生，如果期望个葱系软身嘅可能会有少少难接受。