Interval (The LOHAS康城) (已結業)

今天母亲节，阿女一早约定去食个靓早餐。觉得呢间环境不错，11点几又唔系太多人，一于入去拣咗户外座位, 天气唔太热又唔太哂。我哋order 两份all day breakfast同埋flat white. 先嚟咗两杯flat white之后等咗好耐都未有嘢食，员工只照顾入面客人好少行出户外，终于要行入去同佢话我哋啲食物未到，店员只系问我哋点咗咩之后我哋就只有继续等！我开始留意到之前户外有两枱迟过我哋半个钟嚟但系佢地已经成枱嘢食😠我再问店员系咪漏咗单，佢话唔系只系多单，我再问咁系咪次序混乱点解迟过我哋个啲已经有食物。佢先话再睇睇！终于有嘢食不过只系上一份先㖞😒唔明点解一模一样要分开上？隔咗差不多十几分钟，店员攞住一份all day 心谂一定系我哋架啦，系就系不过唔明点解佢唔即刻攞嚟仲要行远咗路去招呼其他客人再兜路先放低俾我😠至于食物完全好一般的质素，失望😟最后想讲客人多唔系一个藉口俾啲咁嘅服务，实在有需要提升内部培训！