女人街食飯公司

营业中

休息中

今晚同part time同事一齐去食大排档。呢间环境干净企理，服务周到，而且食物质素又好。留意有加一服务费。黑松露厚虾多士$28一件，至少要叫三件。呢个虾多士必食，炸到卜卜脆，欣赏块多士有一定既厚度，甘先有咬感，虾大大只，同甜甜地既黑松露酱一齐食好夹。屋村三鲜有墨鱼、鸭肾、猪生肠，口感爽口，涷涷地，送酒一流。曼谷咸鱼炒芥兰唔会好咸，芥兰都新鲜，唔错。头抽鲜牛肉炒河即系干炒牛河，够镬气，牛肉唔韧，几好食。大叔焗鱼肠我未食过，所以特登叫架。食落一啲都唔腥，除咗有嫩滑既蛋，仲有鱼肠、润同少量姜丝，好有饱肚感，几特别。蓝妹啤酒用饮胜碗装，好正。