ASK cafe

营业中

休息中

上环花系少女心Cafe, 有埋印画咖啡💕想印公仔又得，印伴侣同屋企人个样落去都得😚见到呢间餐厅座位舒服、环境优美，花墙配合玻璃同镜面，上次星期六经过已经想打卡，不过职员话得门口位，其他枱留哂比人。今次平日下午茶时间嚟终于有位。日式酱烧墨鱼饼 $78呢款系新出小食，墨鱼香加埋弹牙口感，配上甜甜嘅烧汁，系唔错㖞💕是日蛋糕 $48想食蛋糕，店员推介呢款玫瑰荔枝蛋糕🌹平时我都觉得花味有啲太artificial, 今次真系唔系，感觉系几清新同有荔枝香。拉花咖啡💟呢个好靓😚可以send相比餐厅，佢地会印落去咖啡度🌸打卡一流，仲有靓杯同餐具。以为要印好耐，点知都系正常出餐时间，ok㖞。