御名園 (已結業)

今晚同屋企人黎食晚饭，环境舒服而且食物质素好高，每个菜式都好好食!晚饭组合 (脆皮烧鸡+蒜蓉粉丝蒸蛏子)呢个其实真系好抵食，蛏子一人一只而个份量系超大只既蛏子皇!! 新鲜蒸再加上时间掌握得好好，加埋入哂味既粉丝同埋大量蒜蓉，基本上冇得输! 烧鸡都系卖点之一，好少地方可以食到皮咁薄咁脆既烧鸡，完全冇肥膏，咬落干爽又惹味，保留埋肉汁，真正做到皮脆肉嫩!黑豚叉烧皇另一个特色不过要接受佢既腩排，所以相对会较肥。但系叉烧的确系半肥瘦既最好食，炭烤既味道浓郁再加上少少㶶边，甘香又唔会好油腻，送饭一流!鲍鱼汁花胶炆豆腐即使系食菜都可以好名贵，整体炆得好入味而且够哂足料，花胶厚身又爽口，豆腐份量有好多而且都系好滑身!西澳龙虾伊面底价钱唔系最平但质素真系相对好高! 龙虾大大只而且虾肉好大粒，拆好哂肉好容易食! 整既时间岩岩好，每粒龙虾肉都好爽口弹牙又入味，配合埋索哂汤既伊面，真心好出色!