影片
更多
2015-11-29
293 浏览
黎数字屋买野，见隔离嘅商场开左泰园，新张期内有九折，之前食过尖沙咀分店觉得唔错，晚餐一于食佢啦。上到去发现原来六点先开门，店员见状话我地可以坐住等，到六点先点菜就得。好好呀，行左成日街真系好攰，想揾个地方坐下呀。环境濶落，坐卡坐空间感劲高。枱上有泰式小摆设，纸巾同牙签。朋友点左椰青($48)，清甜厚肉，正。自己点左咸柠七($38)，没有过咸又解渴，个日喉咙好痕，食完杯咸柠七又好似舒服啲㖞。黄咖哩鸡($108)除左鸡肉，仲有红青椒、洋葱、蕃茄仔、薯仔等，都好足料㗎，香料味唔重但食到好香椰浆味，捞饭一流，但可再杰身啲更好。叫左咖哩，又更系要叫返个蒜蓉包($42)点咖哩汁食啦，香香嘅蒜蓉味劲正，成块掉落咖哩汁度吸下汁先。泰式炒蚬($138)，大排档炒蚬食得多，泰式第一次食，酸酸辣辣嘅汁好惹味，少少辣又不会盖过蚬嘅鲜甜，大大一盘只只肥美饱满，好好味呀～蒜蓉牛油鸡翼($88)，呢味系友人至爱，去边都会点嘅，试下泰园嘅先。香浓牛油味，皮脆肉嫩，鸡翼好滑又易咬，正正正。日本广岛生蚝半打($128)，仲有生蚝都系友人至爱呀，$128有半打好抵食，好新鲜又肥美，少少柠檬汁已很正，一只一只滑入口，半打唔够
上到去发现原来六点先开门，店员见状话我地可以坐住等，到六点先点菜就得。好好呀，行左成日街真系好攰，想揾个地方坐下呀。
环境濶落，坐卡坐空间感劲高。枱上有泰式小摆设，纸巾同牙签。
朋友点左椰青($48)，清甜厚肉，正。
自己点左咸柠七($38)，没有过咸又解渴，个日喉咙好痕，食完杯咸柠七又好似舒服啲㖞。
黄咖哩鸡($108)
除左鸡肉，仲有红青椒、洋葱、蕃茄仔、薯仔等，都好足料㗎，香料味唔重但食到好香椰浆味，捞饭一流，但可再杰身啲更好。
叫左咖哩，又更系要叫返个蒜蓉包($42)点咖哩汁食啦，香香嘅蒜蓉味劲正，成块掉落咖哩汁度吸下汁先。
泰式炒蚬($138)，大排档炒蚬食得多，泰式第一次食，酸酸辣辣嘅汁好惹味，少少辣又不会盖过蚬嘅鲜甜，大大一盘只只肥美饱满，好好味呀～
蒜蓉牛油鸡翼($88)，呢味系友人至爱，去边都会点嘅，试下泰园嘅先。香浓牛油味，皮脆肉嫩，鸡翼好滑又易咬，正正正。
日本广岛生蚝半打($128)，仲有生蚝都系友人至爱呀，$128有半打好抵食，好新鲜又肥美，少少柠檬汁已很正，一只一只滑入口，半打唔够喉呀，哈哈～
咸鱼炒椰苗($98)，椰苗翠嫩清爽，咸鱼亦咸香甘味，但略微真系咸左少少，加碗白饭应该啱啱好。
最后又梗系要叫甜品，有友人至爱嘅菠萝，又整返碟冰镇菠萝(小)($48)试下先，菠萝好甜，切得好靓又易食，一叉一粒，旁边仲有盐水一碟，友人话点左盐水食啲菠萝会无咁易烂口？！虽然唔系好明，但点左食梗甜㖞。
后来仲贴心地送上湿纸巾。
食到饱饱，价钱唔平但食物有质素，好坐立，店员服务亦很友善，又可以慢慢食唔使赶交枱，抵啦
张贴
