阿拉麵館 (已結業)

7月23日晚第一次黎呢度食饭，本以为订咗位会有window seat,因为听到有位人兄话有，不过佢都比咗张四人坐既卡位我哋两个，都算系咁。环境及气氛都算好！服务亦比一般高，而食物都算唔错架啦，我哋两个人叫咗四样嘢，一半一半好食啦。个麻辣乜乜拉面真系好好味；但系个前菜辣白菜卷就麻麻啦，冇辣味，只有劲酸味；另外个黑醋松子鱼又系非常酸，搅到我成口酸味；好在仲有个唔错既好似小笼包既嘢，都算系皮薄料足。=)至于服务真系几好，不断有加茶，又问我哋有冇咩唔啱口味或唔好食，唔错！我最钟意食服务架啦。