大叔拉麵

营业中

休息中

前排经过D2，见到呢间拉面铺，铺头外面啲装修好特别。今日咁啱经过，就入去试吓啦。汤底佢哋用牛骨汤，而唔系主流嘅豚骨汤，感觉上冇咁肥腻。小小酸，就觉得几惹味㖞。糖心蛋唔错，入味嘅，系咸咗少少。拉面嘅鸡肉用慢煮，其实本身唔太钟意用呢个方法煮嘅鸡肉，因为鸡肉咁煮一定会嚡，犹如食汤渣一样。但系佢哋鸡肉我都算接受到。豚肉我觉得煮得唔够焾，而且好咸。面我觉得不过不失，基本上冇碱水味就已经OK。间铺装修都好别致嘅，入面有唔少水怪精品。因为得自己一个，安排咗我坐吧枱位。落单𠮶阵无嘢，但开始食嘢𠮶阵就发现问题。吧枱啲凳整得太高，变咗张枱太低，要乌低个身食嘢有啲辛苦。