薩莉亞意式餐廳 (天澤商場)

营业中

休息中

天泽商场入面比较好食嘅西餐就只有萨利亚，其实开始嘅时候环境卫生量中比较好，但系呢间铺开到依家再帮衬就开始发觉有好多昆虫周围爬甚至会喺啲碟度爬过。虽然卫生情况比较一般，但系以佢嘅价钱来讲我都仲可以接受呢一个卫生情况，唯有自己装热水先抹干净啲刀叉及碗碟先啦。杀你啊嚟到一定要食嘅梗系鸡翼啦，不过鸡翼嘅大细好飘忽，今次嘅大细就适中啦。味道依然都系好香口，啲肉都系好嫩滑嘅，食四只有时真系唔系好够喉。另外仲嗌左焗薯角焗白汁鸡肉菠菜，同埋野菌忌廉意大利粉。虽然埋单只系88蚊，但其实都算系好食㗎，呢个价钱有呢一个味道绝对系会令我再帮衬嘅。唯一希望就系改善下卫生情况啦！