阿麥廚房 (已結業)

系YouTube见到都几多人排队食依间阿麦厨房，一于试下先。可能由于星期一同天雨关系，当日店外就无出现人龙情况。店内装潢都几舒服雅致，而且楼底高，唔会感觉局促同太嘈吵。餐牌上主要为肉扒类同各式意大利饭。我地就先叫左小食医医肚，大虾占米多几特别，配搭独特，虾味菇味新鲜香浓。鹅肝我本人唔系特别钟爱，不过都觉得佢整得好食，热辣辣入口即溶，非常甘香！对于餐汤，本来并无抱住特别期望，因为一般西餐厅餐汤都几乎系一样，唔会有特别。不过依两个餐汤就非常惊喜，因为唔系一般忌廉罐头汤咁腻济，南瓜汤亦无乜腥气，反而有蟹肉甜味系其中。黑松露汤落足料，一饮已经尝到黑松露独特香油味道，无得弹！黑松露意大利饭，带子大大粒，啖啖都有黑松露香气，黑松露Fans一定啱晒！咸猪手个Size好大，两个人食唔晒，烧到好香脆但又唔会干晒身无晒肉汁，咸度适中，唔会太重口味，就算唔食Sauce都食到风味。另外值得一赞系薯条好好食，条条都好金黄香口，唔会好似部分坊间餐厅伴碟就hea上咁。最后上埋餐饮就圆满结束一顿晚餐啦！整体上都好满意，店员落单、招呼、上菜都好迅速熟练，食物饮品都高水准，不过就无乜大台，所以倾向适合二人世界。仲俾我巧遇