金功夫點心火鍋 (已結業)

今晚我们去咗北角堡垒街嘅「金功夫点心火锅」食火锅！一入到去就见到他们用咗两条大金龙嚟做装饰，再配上水墨画金鱼互相辉映，真系非常华丽生动，具有中国气氛特色！我们叫咗木瓜猪肺锅、顶级雪花肥牛「大」、养颜花胶筒、美国桶蚝、顺德鱼头、玉簪虾丸同包心蟹粉丸！木瓜猪肺锅嘅汤底味道好鲜甜！顶级雪花肥牛「大」嘅色泽相当红润，肉味好浓郁，肉质超嫩滑，而且入口即溶，真系好好味呀！养颜花胶筒都几烟韧弹牙！美国桶蚝非常大只，肉质相当鲜甜嫩滑！顺德鱼头系新鲜即㓥，所以肉质好鲜味弹牙！玉簪虾丸嘅虾胶非常新鲜同爽口弹牙，再加埋金华火腿，红萝卜条同唐芹条，令到口感相当丰富同卖相非常吸引！包心蟹粉丸好爽口弹牙！