八十里

营业中

休息中

今日去试咗餐厅周推介的其中一间餐厅。🌱樱桃鸭胸、糖醋小排骨、陈醋一口海蜇花陈醋一口海蜇花，外型似水母，爽口带酸；糖醋小排骨，糖醋味道唔够，排骨有啲鞋；樱桃鸭胸，用樱桃做咗外边的啫喱，鸭胸软滑带少许膻味。🌱姬松茸炖鸡汤汤料足而多，有姬松茸和瘦肉，但汤越饮越咸。🌱招牌鲍参翅肚羮加$98转配，我觉得唔值，翅份量少，而羮的味道又系太咸。🌱滚石泡椒虾球侍应会在你面前倒八泡椒汁，随即吱吱喳喳，虾只大只，口感爽口弹牙，但酱汁劲辣而且又系劲咸，浪费咗只虾。🌱外滩狮子头唔系手打的肉，口感干而鞋身。🌱黑松露小笼包皮呈黑白两只色，皮都薄身，肉的口感少少鞋口。🌱黄金龙虾酥加$88转配，很适合打卡。龙虾酥里面系有一两粒龙虾肉，其余都系白萝卜丝。外边脆里面就以白萝卜味为主。🌱鲍鱼葱油拌面虽然厨师很细心剪开了拌面，令我哋易啲食用。但拌面干又黏埋一旧，很难夹起，葱油味道唔突出，鲍鱼口感尚可。🌱椰汁炖蛋白小汤圆有椰汁香味，汤圆口感烟韧，底部有很滑的蛋白，整个甜品够热亦都唔太甜，唔错。食物味道方面有待改善，环境宽敞有海景，亦有户外地方供打卡，服务态度都几好。