黃金冰室 (成業街)

营业中

休息中

最近见呢间餐厅岩岩新开， 而睇到有d食评都唔错。咁就早餐时间同屋企人来试一试啦。可取之处系环境方面系坐得舒适既，唔会话太迫，而且每张枱都有usb插位同电掣，方便食客叉电但系食物方便可以改善下...屋企人点咗沙嗲牛面同沙嗲牛米， 都一致认为太咸。 牛肉水准唔太平均， 有d食落比较咸同“梅”, 但亦有d食落系正常的。份量就算大碗，牛肉畀得足。而佢地跟餐的咸牛肉炒蛋就略嫌咸牛肉太少， 成份炒得先得一两粒咸牛肉.....而由于我自己唔钟意食炒蛋及煎蛋缘故，就问早餐配的煎蛋可否转烚蛋或其他， 结果系无！得！转！嘅, 阿姐话你一系食面包啦最后嗌左个雪菜素鲍米， 就不过不失啦。 系米线偏淋。最惨系佢早餐几乎个个餐都配炒蛋/煎蛋， 除左双𩠌粉面餐同三文治餐之外，真系无其他选择。讲真，依家出面好多茶餐厅/冰室，甚至连锁快餐店都有得转烚蛋或火腿肠仔之流。真系要改善下。同埋只收现金， 其他支付方式都唔收老实讲， 观塘一条成业街，净系街铺都几间茶记，但系价钱唔系特别话抵食（正常价钱）, 食物及职员质素又一般般，  再次帮衬可能都要隔好耐了。