Bellevue Bar and Grill (已結業)

餐厅系大厦嘅顶楼，可以望到油麻地旺角同埋少少出边嘅海。环境真系好唔错，非常光猛。餐厅系一个L字型，跟住只系得出面同入面两排，我哋坐咗靠窗嘅位，咁样食饭真系好有feel。用OpenRice嘅人有一个特别嘅餐牌，午餐会平过唔用OpenRice嘅人。百几二百就可以食到一餐。个意粉同沙律都非常之唔错，甜品就个人觉得唔系太好。我哋点咗两杯唔同嘅酒，总括而言酒精都唔系太多，大概5至10度？晏昼饮都冇乜问题。呢间餐厅得闲约下朋友或者男女朋友一齐食其实几唔错，几有气氛，又会播吓音乐咁。