FRITES Belgium on Tap (海濱匯)

营业中

休息中

第一次黎呢间餐厅系去鲗鱼涌分店。记得当时系点佢招牌嘅炸鱼薯条，超大份好好味。成间餐厅装修好古色古香，用嘅全部都系长木台木凳，感觉好华丽好舒适。跟住见到上环新装修嘅分店，入面环境好似一间教堂咁，全部都系彩绘仿玻璃窗，坐室内反而更加有风味。今次有机会试到观塘分店，感觉又系好唔同。餐厅好开扬，坐室内都好光猛，有户外坐位，有草地有圆枱，感觉真系好似去左外国咁！食物质素唔洗讲，样样都好好味！最抵食二系佢逢星期一至五唔同款式嘅All you can eat！餐厅亦好贴心，虽然有啲尴尬🤣，但每当有人庆祝生日攞个生日蛋糕出来，都会成班员工出来为唱生日歌🤣！观塘分店值得一提既系员工嘅服务好好!! 点左一个焗芝士面包，芝士可能落得太多迷迭香，所以苦得济，但喺疫情咁严重嘅情况之下，员工都亲自试下个菜味道有无问题 (虽然极唔鼓励😱 不过我地都有用公筷!)，再帮我地退左菜，员工咁体贴系值得一赞!!! highly recommend!!!